今晚有場意甲大戰，國際米蘭主場迎戰拿玻里。雙方係近兩季意甲嘅冠、亞軍，每次交手都咁矚目，近5次對壘4次打和，可謂勢均力敵；國米主場習慣睇定先，近3次主場全開半場和，捧半和係合理之選。（Now 643周日凌晨零時直播）文:路西法

國米開季兩連勝，不過箭頭拿達路馬天尼斯腳風麻麻，兩場都交白卷，反而中場指揮官查漢奴古連續兩場有「士哥」，不過所贏對手只係蒙沙及卡利亞里兩支中下游球隊，今場面對爭標分子拿玻里將遇上真正考驗，主帥捷禾嘅戰術風格都係打穩陣波，近7場5次半場和，唔介意半場守住先。


拿玻里上場1比2輸畀科木，開季1勝1負，近況唔算好，加上中場主力麥湯米尼心臟出現問題長抖，今場更會加強防守，作客攞1分亦收貨；何況兩隊下周中要踢歐聯，國米對皇馬，拿玻里就對阿仙奴，今場未必去得太盡，半場和機會更高。