法甲天地對決，榜首巴黎聖日耳門（PSG）作客包尾嘅勒哈弗爾，兩軍實力上有極大差距。PSG正受傷兵困擾，亦有歐聯後顧之憂，為免虛耗過多力量，今場會快刀斬亂麻，務求速戰速決，半場客勝值得捧場。（Now 643周六凌晨2時直播）文:工廠仔

PSG有基華拉斯基利亞同奧士文尼迪比利養傷，教練安歷基要更加謹慎調動兵源。佢哋仲有迪斯亞杜伊、費倫托利斯等頂級攻擊手，實力上唔會有太大削弱，不過PSG周中就要喺歐聯作客維拉利爾，絕對唔想搏殘一班主力，最好方法就係盡早解決對手，提早留力。

勒哈弗爾半場都難頂
勒哈弗爾今季未贏過波，上半場更加1球波都未入過，最近4場聯賽全敗，近3場喺上半場已經落後，只要佢哋先輸，基本上就無力反撲。PSG實力超晒班，早開紀錄冇難度，必撐半場客勝。