阿聯近期表現飄忽，但勝在入得又失得。

今日澳職焦點戰，阿德萊德聯主場硬撼ＦＣ麥克阿瑟。阿聯勝在入得又失得，麥克阿瑟後防不穩，隨時以攻代守，癲鳳鬥狂龍實多波入，3.5球大盤有計。

（無綫myTV SUPER周五下午5時05分直播）文:法達斯維

阿德萊德聯表現比較飄忽，之前兩場不勝後，近期又連贏墨爾本勝利及布里斯班獅吼，就算齋計主場，近期都係玩單跳，贏1場又輸1場，真係好難捉摸。而唯一「穩定」嘅係入得又失得，近5仗有4次開4球或以上，相信會繼續有前冇後。

麥克阿瑟防線多甩漏
「3哥」ＦＣ麥克阿瑟同樣戰績唔穩定，近8仗贏得4場，加上防守多甩漏，呢8仗7場有失波，好在佢哋攻力唔曳，好似上仗就突然發威，狂數墨爾本城6比2，箭頭哈利沙耶亦打破近期入球荒，暫以6球與其他球員並列射手榜榜首。既然兩隊都重攻輕守，捧3.5球入球大更上算。